محاوره بين بوش وبلير .. لايطوفكم

[طلق]

السلام عليكم ورحمة الله وبركاته

محاوره بين ((بوووش))و((بلير))

حبيت اني انقلهاا لكم

وكان المبداا عند بلير

بلير>>

الله لايجزاك بالخير يابوش.......ورطتنا في حرب صدام ورطه

عزمتني وتقوول بترول وقروش....بس الحقيقه روحتي معك غلطه
بوووش>>stoop

يابلير رد العلم عن بوش بن بووش....الله خلقنا للمقاريد سلطه

ابوي عنده للرياجيل دنبوش....كم واحدن خذنا فلووسه ونفطه
بلير>>stoop

ابوك والنعمين مير انت مربوش....تموت بالبترول وتحب شفطه

صحيح عندك مال واسلاح وجيوش.....مير اتوقعلك بنكسه وسقطه

بوووش>>>>stooop

يابلير كانك خفت يوم احتما الهووش....والله ماتاخذ من النفط نقطه

قبلك ترا شيراك كد راح مكروووش.....عانه يصرح كل يوم بمحطه

بلير>>>>stoooop

وراك ماتعطي لشيراك عرمووش...تراه مشغلنا بشيله وحطه

واليا انتهى موضوعنا نرسل اطرووش...نجمع لك المبلغ من الربع قطه
بووش>>>>stooop

شيراك هذا عنده الفكر مدهووش....فرط علي في مجلس الامن فرطه

يدزه اليابان والصين ويطووش...ومزهب الفيتو لتحبيك شرطه
بلير>>>stooop

يابوش انا مرهق وخايف ومربوش...وانتا تقول الحرب خدعه وخطه

اسراي واسراك امتلا منهم الحووش....عزالله انه صابني من جلطه
بوووش(يبي يختم)stooooop

ماقلتلك كم فيه اذاعات ودشوش...لاتكشف المعنى وانا اقوول غطه

وان قالو إنى اعلوج واصحابنا جحوش..ماهمنا الصحاف واللي يحطه

عسااااها تعجبكم.......وتنال على رضاكم


تحياتي لكم>>>>طلق التويمي