( الصلـــب الحمــــر ) للشيخ راكان بن حثليـــــن

[العز بالسيف]

بسم الله الرحمن الرحيم

:
:
:
:
:
:
:
:
:
:

فلاح دوك النـو نفـض ربابـه=يا زين برقه شارق فـي رفايـاه
جعله على الصلب الحمر واللهابة=وعلى جويات الهمل ناثـر مـاه
نوه على الصقري ينثـر سحابـه=وانحت مقاديمه على الطف واسقاه
والحبل سيل صحصحه مع رغابه=جيثه لطرعات المعاشير مشهـاه
ديرة بني عمي ازمـام الحرابـة=كم شيخ قوم خربوا زيـن مبنـاه
يا سعد من هم له صديق ولابـة=يوم أعلنوا بالحرب عقب المساداه
اعوي كما يعوي جويـع الذيابـه=بين عمود الصبح والكلب ينحـاه
ما أدري بلاه الجوع ما علق نابه=والا رفيقه راح منـه ولا جـاه
يا حشر من عقبك يفك الطلابـة=لا جات من عين طروقه مخـلاه
يا طول ما سيفي وريـع أذبابـه=أدب به العايـل زلا أدري قفيـاه
واليوم كل ولا بقـى الانصابـه=تغززولي يا مـلا عقـب فرقـاه
من عقبهم صندوق قلبي خرابـه=لعبت دواليب الهبايـب ابمحـراه
عجمان يوم الحرب شب التهابـه=جلابة للروح والـرب يـا قـاه
كم من خفيف قد مشوا في ذهابـه=توخذ مواشيـه ولا بـه مـراواه
حريبهم يسعون لـه فـي عذابـه=عقب الطمع تصبح عيونه مداواه
يبكي على مالـه وفقـد القرابـه=وفي المعركة يصبح يحسب جثاياه

الشاعر : راكان بن حثلين