الوالد اللي مـا يخلف مشاكيـــل ابن منيخر

[أبـو عبـدالله]

الشاعر الشيخ / بطيحان بن منيخر

الوالد اللي مـا يخلف مشاكيـــل=عزي لحاله لاغداء كنه القــــوس
مثل الذي يبذر ولا به محاصيــل=راحت حياته كلها هم وتعــــوس
خطوى الولد مثل الجمل ينقل الشيل=يصبر على حمله ولو حسه حسـوس
هذا لعله ما تجيه الغرابيـــــل=وعساه من فجعات الايام محــروس
وخطوى الولد لاهوب صبح ولا ليل=لا فيه لا فود ولا فيه نامــــوس
اوامره في البيت زجر وتنكيـــل=ومن الزعل جوفه من الغيض متروس
كل شئ يبه مولم له بتعجيــــل=ومن والدينه واسرته كنه منفـــوس
مضيع وقته مع سافل الجيــــل=ومن المراجل كنه الجحش مركـوس
والكلب ما يطهر ولودش بالنيــل=تراه كلب لاهو بالشط مغمــــوس
لواهني اللي عياله رجاجيــــل=يجلون همه لاغداء كنه مضــروس
يقضون حاجاته بليا مراسيــــل=وافعالهم وعلومهم ترفع الـــروس
هذا زمان ما نبي نكشفه حيـــل=ولانـي على عورات الانذال جاسوس
ولا تـــراني مــاهر بالتماثيل=وعندي اللسان قاطـــع كنه الموس
لاشك ما ودي نزود المكاييـــل =ونبين اللي حدر الاسلاب مدســوس
حيث المعنى بين كنه سهيــــل =ما يجهله كون اخرق الفكر مطمـوس
دنياك هاذي كلبوها غرابيــــل=الشد مايل والهواء غادي كـــوس
ذع ذع هواها للهمج والمهابيـــل =اللي طابيعهم خبيثات ونجــــوس
صارت سوى اصقورها والبلابيـل=وسباعها تجفل الى شافت العــوس
والله ماني ظالم كل حلحيـــــل=اللي طريق المرجله راكبه قـــوس
قصدي على اللى يشبهون البراميـل=اوادم ميرانهم صارو اتيـــــوس
ولكل منهم جثة كنه الفيـــــل =تلقاه من كثر العلف كنه جامـــوس
عقب التصعلك صايرين زناقيــل=ومن الهلل ربو تجارات وفلـــوس
عسى لهم عند الضحى طير بابيـل=ولا حدقو به فوقهم حاسهم حــوس