(( لا صار حبّك حلال .. و وصل حبّك حرام ))

[حـــوران]

الســلام عليكم

اشتقت لكم


قصيده تحمل مشاعر انثويه راقيه , و تحمل كثيراً من الصدق , ومن الجزاله اكثر

اول ماخلصت قرايتها قلت : هذا القصيـد اللي عليه الكلام

اتمنى ترتقي لأذواقكم وتعجبـكم


/
×
/

ما نزّل البعد قـدْرك(يـا رفيـع المقـام)=صورتْك في القلب لا زالت علـى حالهـا
محبّتك شوفها .. لو شفـت حالـي حطـام=كسـرت نفسـي لهـا وامتـدّت اظْلالهـا
من يوم حطْ الصبر من فوق ظهري (سنام)=وأنـا ارتكـي للحمـول بهـدي جماّلـهـا
وإن قالت الناس: ما بلّلـك حلـم الغمـام؟=مـا نمـت الاّ ودمعـي كــان همّالـهـا
واليوم طيّرت فـ / وجيـه الليالـي حمـام=وأحلامنـا وقّعـت مــن دون منْزالـهـا
إنْ قلت لي يارقيق القلـب: ويـن الغـرام؟=حبّيـت نعْمتْـه.. ثـمْ حبّـيـت زوّالـهـا
(( لا صار حبّك حلال.. و وصل حبّك حرام=وش لون ترقى معـاك النفـس بإذلالهـا! ))
خلاص خلني .. و خل الجرح فينـي ينـام=ماعـاد يقـوى حمـول القلـب حمّالـهـا
ما قلت غير الكـلام اللـيّ عليـه الكـلام=ولاّ امـس عقـدة لسانـي ضـاع حلاّلهـا
(( مايلحق البنت شرهات وعتـاب ومـلام=لاصار ماهي مَرَتْـكْ ومنـت رجّالهـا ))
وإنْ طاح دمع الوداع .. وضاع مسك الختام=البعد كلمـة .. وصـح لسـان مـن قالهـا
هذا وقدرك كبير ,, ولـك غـلا واحتـرام=وفرقاك في القلب .. ( فال الله ولا فالهـا )
للحين مـا جفّـت ادمـوع الغـلا والهيـام=على المحاجـر ، و هـم القلـب يبرالهـا
ذكـراك عِـد ٍ عليـه آمـال قلبـي حيـام=يعني حبيبتْـك مـا تعطـش علـى جالهـا
إنْ مت من بُعدهـا تحييـك بيـن العظـام=تعيـش فـي قلبهـا وتْعيـش فـي بالهـا
{ وتشـوف محبوبتـك لا مـر 20 عــام=تنساك ! .. ولاّ تنادي بـ /اسمـك عْيالهـا ! }

وســلامة قلوبكم

للمبدعة / بنت وايل

[فهد بن مطلق]

تسجيل دخوول / للـ حجز (الأول) !!

وراجع ..

[ناصـر محمد المجروب]

ياسلام ياسلام ياحوران ..

وبنت وايل مبدعه مايحتاج ..

نطمع بتواصلك المثري ..

ولاعاد تبطي علينا

تقديري ..

[سـعـود]

إنْ مت مـن بُعدهـا تحييـك بيـن العظـام
تعيـش فـي قلبهـا وتْعيـش فـي بالـهـا
{ وتشـوف محبوبتـك لا مـر 20 عــام
تنساك ! .. ولاّ تنادي بـ/اسمك عْيالهـا ! }

مهيب هينه

لاهنت على النقل الحلو

[فلاح بن ملبز]

الله الله الله الله الله الله الله

أرررررررحب يا حوران

وصح لسانك ولسان شاعرتها

ونقل في قمه الروعه

ولاهنت

[الظبيانيه7]

صراحه طررررر


الله عليها صح لسانها وسلمت يمناك

[Her Majesty]

فرقاك في القلب .. ( فال الله ولا فالهـا )

.

مبدعه

مالي فالشعر كثير بس ذي حبيتها ^.^

حوران شكرا ً

["..عـَـذْبـًة الأطْـبـَآآآآع.."]

الله الله الله ,,

حــورآن > من طول الغيبـآت جآب الغنــآيم ,,,

تغيب وترجــع بالجزلات ,,


(( مايلحق البنت شرهـات وعتـاب ومـلام
لاصار ماهـي مَرَتْـكْ ومنـت رجّالهـا ))

يـآســلآم ,,

ابدآآآآع ,,

صح الله لســآنهـآ وتسلم يمنــآك على النقل الأكثر من رائع ,,,



دمــت بكـل / خير ,,

[محارب يام]

للحين مـا جفّـت ادمـوع الغـلا والهيـام
علـى المحاجـر ، و هـم القلـب يبرالهـا
صح يمناك ولسان قايلها
ابداع شعري غير طبيعي


دمتم بود...............................

[شوقـ الصحاريـ]

روووعـــه

صح لسااانها ولاهنت يا حوران على هالذووق

لك تقديري
شــووق