عوده لهذا القسم عسى ان نوفق فيما نطرح

[محمد بن عرار]

السلام عليكم ورحمة الله وبركاته





.





.

لا نيب محظوظٍ ولا بارد اعصاب=ولاتحسب انّي يابن الاجواد سالي.

انا من صدوف المقادير منصاب =والحمد للي عاضني بحتمالي.

صويب بقعا ياخذ سنين ما طاب=مثلي تصافق به جنوب وشمالي.

واقف وشف صدري غدا مظرب حراب=من كف وقتٍ ثانيٍ لي عقالي.

امشي كسير ومعتلي كل مرقاب=مؤمن وقلبي ما يعرف الجفالي.

اضحك وصدري من غثا وقتي كتاب=كتاب من يقراه يرثي لحالي.

فيه العنا والهم وأحزاني اصحاب=مثل الجبال الشاهقات العوالي.

وآهات تلحقني مشاريه وعتاب=غايات نفسٍ مالها اول وتالي.

والحظ ماباقي من عزومه ركاب=حتى عليه آشد عزم الرحالي.

واليا سلمت الظرس علقني الناب=واليا صفيت لصاحبي ما صفالي.

وجروح في قلبي لها عدّة اسباب=اخفّها جرح الرفيق الموالي.

اصك باب وتنفتح غيره ابواب=وذا حال من دارت عليه الليالي.

اخيكم / محمـــد الشـــامـري.