مـصـاافــحــة أولــى (( دار الجــنــوب ))

[مـمـلـوحـ القـصـيـد]

هذه اول متواضعه لي بمنتداكم الراقي

اتمنى ان تنال اعجابكم وترتقي الى ذائقتكم

اقوول فــيــها

سلام يادار الجنوب ومـن سكـن دار الجنـوب=امانتك وصّل سلامـي لـه يانسنـاس الشمـال
وصّل سلامي للوليـف النـادر الغـض اللعـوب=اللي عيونه مالها حليـا سـوا عيـون الغـزال
اللي بهمساته حشاي وكل مافيني يذوب=ان جيت ابوصف ( من ) ( الى ) كامل ولله الكمال
واليا زما طوله ولاح الثوب نسمات الهبوب=يبين ما يخفيه حدر الثوب ويطول الجدال
اقفى وطوّل في غيابه والحشـا منـه معطـوب=ماذكر على غيرة من الأحباب دمع العيـن سـال
مدري سلا والا زعل والا على البعـد مغصـوب=والا عن العهـد المسمّـى بيننـا شـد الرحـال
منساه لين الشمس تشرق شرق في وقت الغروب=والا بيوم الناس تبكينـي وانـا حـدر الرمـال
اموت واحيابه وعن وصلة حشا مايـوم اتـوب=باقي على عهد المواصل لو غياب الولـف طـال

وسلامة الكل والجميع