هــذه القصيــده للشـــاعر/فهيــد بن ناجــي الحــارثي. موجهه للشـاعر/علي بن سـران ال شـرمه. وسبق وان نقلتها ولكن مع وجود اخطـاء املائيه وانا اقـدم اعتذاري الشديد علا الخطا السابق واود طرحها من جديد لعلي اوفق واطرحها بالوجه المطلوب.
والشـاعر/فهيـد الحارثي يقــول
قلبـــي من العــام فـارق لـه سنــافيـــه=حـالي تعـب يالسنــافي عـقب فرقاهـا.
ياابومحمـد عنود الصيـد نجـــد يــــــه=ماتنقنــص كــود لو قد زان مـرماهــا.
وانت السبب في اتصـالك بالكويتيــه=عــزاللـه انهــا تحبــك وانت تهواهـــا.
اصــرخ وانادي وانا برضـن خلاويه=واســج صـوتي علامــوال ذكــراهـــا.
انبشتـــوجــروح في الاعماق مدميـه=جـددتـو جـروح يستعصي علي دواها.
وهــذا رد الشاعر/علي بن سـران ال شرمـه.
القلــب يافهيــد زادت بــي طـــواريـــه=والنــوم اقبـل علا عيــني ثم اخطاهـا.
وبنــات فكـري تسـوق ابيات شعريـه=والهـاجس الصلـف للقيفـان يحــداهـا.
فخطــك وصلنـي مع الخطار عبـريـه=يـومن عزفهـا ابوعسكــر وغنــاهـــا.
فيامـرحبا مرحبـاوارحب وياحيــــــه=اعـداد ماغيمـت الوسمــي انثرت ماها.
واعــداد مـد القلــم واعـداد قـاريـه= واعـداد طــوف الحجيــج وعــد ممشاها.
من بعد ذا يانديــبي هـاك رديـــــه=شــد العــزم واحتــزم والشلــف تزهـاهـا.
من فـوق شاص وميزتها عمانيـه=كسب الذي يـرخص الغالــي لمشــراهـــا.
الي سـرت خفـي والليتـات مطفيــه=مع خبـوتن خليـــه زيــن مســراهـــــا.
سواقهـا مايهم الفيــن دوريــه= اليا لطمها بثالث كنــه ينخـاها
يلفـا علا دار الاحرار النـداويـــــه=قـومن عـزيــزه تــداريـــنـا ونــــدراهـــا.
ماينجهــل فعلـها لاثارت الهيــه=صبيــان حــارث وســاس الطيـــب مجناها.
فيـافهيــد ذكرتنـي بشياء منسيه=ادلــه النفــس منهـــا كـــــــود تنســـاهـــــا.
وذكــرتني في غرامك بالسعوديه=اللي من العــــام كنـــت تــدور رضــــاهـا.
وذكرت في ابياتك اشيائن خصوصيه=ماكان ودي ببعــض الناس تقـراهـــا.
فياوجــد حالـي علا ام عيون سحريه=اللي رمـت سهــم في كبدي ولااخطاها.
ياليـتني ظلهـا ولا لهـا الفيّــــــــــه=اظلهـــا بالصــدر وبعيـــني ارعـــاهـــــا.
غـديت كني المريـض وهي استشاريه=تشح في دواي وانا اجـوع واضمــاها.
ولاكان به مشكـله في روحه وجيّــــه=واليـــوم يافهيـــد مدري كيف بلقاهـا؟؟
من دونهـا حال حايل جعله الحيـــــــه=واهل الردي جعـل رب الكــون يبلاهـا.
ناسـن رديـه بشين الطبع مبليــــــه=قد هشمو صورتي بقصـا مرايـاهــــا.
زرعـت فيـــها الغــلا والاعمال بالنيه=وكلـن علا نيــته ويقيــــس مبداهـا.
ولنـي اداري عن المنقــود والسيّــــه=بــحد نفسي عن الذكــري وبنهاهـــا.
وسلامتكم والسموحه علا القصور في النقل
02-09-2009, 10:20 PM
العرض العادي
