الدامر يرد على ابن عمره في قصيدة تكفون يا يام (ابن عمره ابشر اعتز اليـوم يومـي)

[ابوحمد الشامري]

هاذي القصيدة للوالد قالها اثناء انتخابات مجلس الامة عندنا سمع احد الشعراء يقول في قبيلة يام :

بشروا يام حنا نجحنـا=بشروا يام وزيود اليمن

وقال الشايب هذه القصيدة يزهم قبيلة يام على لسان النائب خالد العدوه :

تكفـون يـا يـام تـرانـي بحـاجـه=وأنتـم مـن اللـي يفرحـون بلزومـي
يا سهيل نجـم الجـدي زاد إنحراجـه=جــوّه تـكـدر لبـدتـه الغيـومـي
وأنتـم صفـا جـوّه لا كتـم عجاجـه=مـن صوبكـم متـى تجينـي لومـي
وأنتـم عضـود اللـي تعكـر مزاجـه=وأنتـم مفرجـت الكـرب والهمومـي
لا صـار بـه يـوم كثيـر لجـاجـه=يـومٍ بـه الفايـز وفيـه مهـزومـي
انتـم هـل العـادات وانتـم سراجـه=يـا فرحتـي لا شفـت يـام تزومـي
تحـاودونـي راكبـيـن الـحـداجـه=والقصـد يبغـوا عزنـا مـا يـدومـي
يقـول شاعرهـم اربعـوك هجـاجـه=نفعاتـهـم مهـيـب دايــم تـدومـي
كذبـت يلـي دوم هرجـك سمـاجـه=ربعـي تعـرف الواجبـه والسلومـي
ربعـي كمـا بحـرٍ تلاطـم امواجـه=لا هـاج غطـى سهلهـا والحزومـي
ذيبٍ عـوى وذيـب رفعلـه حجاجـه=الله أكبـر بـشـر الـلـي يحـومـي
ارجـوا مـن الله ثـم منـك انفراجـه=يـا عزوتـي تمـت ودمتـم سلومـي.
محمد مشيط ال عمره ال شايقه الشامري

ولقد ارسلت هذه القصيدة الى اخي العزيز الملقب ( بالدامر ) وهو من صبيان يام اهل الردات والفزعه هيضته هذه القصيدة وقال قصيدة ردا على قصيدة الوالد وارسلها الي فقال فما نص من حديثه :

الاخ العزيز ابو حمد

في الحقيقه قصيده تهيض المشاعر

ولم اجد بد من ان ارد عليها وان لم اصل مستواها بهذي الابيات التي ارجوا ان تبلغ والدك وتبلغ رضاه.

سميت باللـي بطلبـه كـل حاجـه=يارافع(ن) سبع(ن) وسبع(ن) ردومي
قال المغني هايـض القـاف هاجـه= ومن بـدع بقولـه نجيبـه لزومـي
ياراكب اللي مـا يهـون عجاجـه=جمس(ن)جديد(ن) للمراحل عزومي
من فوقه اللي مـا يبيـن ارتجاجـه= من صلب جدي كاسبيـن العلومـي
ينصى ديار القوم عجل(ن) نهاجـه=من لابتي مذكر رجال(ن) قرومـي
بشر عريـب الجـد فلـة حجاجـه= بن عمره ابشر اعتز اليـوم يومـي
جانا وضوح الهرج مابـه لجاجـه= حن زبنة المضيوم نجلا الهمومـي
لا اظلم عليه الليل يضوي سراجـه= تقبل عليه جمـوع زيـزوم قومـي
كم عايل(ن) دقـوا بنابـه وعاجـه=وكم غازي(ن) لاقبل يعود مهزومي
يامـن يخبـر ناحريـن الدجاجـه=حنا كسبنـا بالسيـوف الحسومـي
قد عافنا التركي وعجـل خراجـه= ثم عافنا الزيدي وحـط الرسومـي
ارض اليمن نقرع بها الحد حاجـه= والشـام ناطاهـا بجـم العزومـي
فزاعنا لاقبـل علـى الهـم ماجـه=والشامـري غنـا ولابـه ثلومـي
ياسعد من يام(ن) ومذكـر سياجـه= نطاحة البارود مـن غيـر لومـي
مسترسل(ن) قافي ولابـي حراجـه=من صلب لحسن رافع الراس دومي
وصلوا على اللي يشفع بيوم حاجـه= وعلى بيتـه عـد وبـل الغيومـي
( الدامر : اليامي )

ابو حمد الشامري