للمرجله والطيب والشعر حزات = ماهي بحزة كذب ولا خداعي
في حزتن نحتاج لشعر وقفات = حتى أبين نظرتي وانطباعي
كلٍن يمارس في حياته هوايات = وهوايتي مدح الكريم الشجاعي
الطيب باقي حي والحي ما مات = فى نفس أبن قروش طويل الذراعي
فهد فهد زيزوم كل الثقيلات = في ضفه الجياع تمسي شباعي
كريم سبلا شهم راعي مروات = وليا مدحت أمدح حميد المساعي
والشيخ أبن قروش زبون المهمات = والمدح في شرواه ماهو ضياعي
وربعه بني شامر نهار الملاقات = سقم الحريب وفالملاقا سباعي
من روس يام وللاوادم مقامات = والناس ماتمدح على غير داعي
ماجيت أدور يأبن قروش ريالات = مغنيني اللي ابواب رزقه وساعي
أحث رجلي من بعيد المسافات = واشهر لزومي فوق روس الرفاعي
أبغي من الوافي نمونت سلالات = هرشن مع البدوان ذكره يشاعي
وأبغي ليامن صار حل الممارات = اقلط على الاشواط بكل اندفاعي
الوافي امحطم جميع الدعايات = ذكره مع اهل الطرش غصبن يذاعي
من سبته حطو قصور وعمارات = بيع وقبله ماذكر والله باعي
صارو الفقاره عقب قربه بشاوات = حتى الرويعي صار ماهو راعي
علمهم الوافي طريق الحوالات = الراجحي زاره وبنك الصناعي
11-09-2009, 04:52 AM
قصيدة في الشيخ فهد بن قروش - للشاعر / فهيد الهاجري
العرض الشجري