قصيده للشاعر ناصر بن ذروه العجمي
الشعر يختلف ولا المشاعر صفوف
وكل يومٍ من الايام ذيب يعوي
ماعلى المبتلي شرهه لاصار امعروف
الدوى كان مافاده يفيد الكوي
قلتها دامني شاعر وعيني تشوف
واعرف بيتها المليان واللي يهوي
شاعرٍ ماتظهرني كبار الكتوف
ولابرامج شعر ولا معارف خوي
كان مادخل على البستان وقطف ألوف
نادرات الفرايد..جعل ماني قوي
والغرض للشعر احيان وصف الهنوف
وانعكاس الحقيقه معنوي معنوي
كم قتيلٌ من الرمحِ وكم بالسيوف
وكم قتيلٌ على شلفا الهوى ماقوي
وكم جريحٌ ويدعو بالفراقِ رئوف
يرْجع اللي عيونه في البشر تهتوي
الجمال الطبيعي غير وصف الحروف
يذهب العقل لوك..ذات عقلٍ سوي
مرني زول منهي شوفها حرق جوف
لا مشت كنها تروي خفوقي روي
الخصر ملتوي والشعر ستر الردوف
منتثر كنه القدرى في عين بدوي
والمحيا كما نورٍ في صدر القنوف
والثغر جمرتينٍ شاويتني شوي
لو على مارئيته نافعات الوصوف
كان بوصف حلاها وعودها المرتوي
شفتها في المنام وكل حلمٍ يطوف
غير حلم الهنوف اللي رفض ينطوي
ولكم التحيه
12-09-2009, 06:40 AM
العرض الشجري