الحب مثل الشجر والوصل مثـل المطـر=وش يبس الغصن غير الماء وشحه عليه
يامن تركني دهر شف صدر خلك دهـر=يمره الركب مـا وطـى ولا نـاخ فيـه
ممحل غرام وثناه الحـب ليـن انكسـر=من يجبر القلب في كسره وخلوة يديـه
لابـارك الله فالقلـب المحـب الخضـر=يخّضر ليـن الزمـن يغتالـه بساعديـه
انا احسب ان الهوى عمر" فدى له عمر=واثر الهوى عمر" يقفي بعمـر النبيـه
وقفت مابين كبـت العاطفـه والسهـر=لين الوفاء طاح دمع الشوق من مقلتيـه
يطيح ويطيح من عزة شموخـي صخـر=واقف لو ان الغلا جاث" علـى ركبتيـه
والحب مخلوق عمره مثل عمر الزهـر=يسقيه دمـع المحـب ويكبـر براحتيـه
لا ياقمر من عرفتك وانت نصف الشهر=بدر" سنا نور وجهه غير كـل الوجيـه
الناس ترجع هلال وهي مـن اول بـدر=ولا انت لا زاد عمرك زادك الحسن تيه
يا موجع الليل نور الصبح جمره سمـر=ولع شتاي الدفا" كم لي وانـا محتريـه
وان ولع الجمر خل الجمر يكوي جمـر=وان ذوب الشمع خل الشمع لين ارتويه
ظماي ما هوب قل الماء وانا اشرب نهر=ظماي وش لون ابا اوصف وكيف آحكيه
اي والله ان الزمان اغبر وحظي غبـر=كنت بيدينه وكيف يضيعك من يديـه ؟؟
أحمد بن غالب
الحب مثل الشجر والوصل مثـل المطـر & وش يبس الغصن غير الماء وشحه عليه
العرض الشجري