عهدي بها قدام تلبس عبايه...وانا بعد قبل البس شماغ وعقال!!

[ملكعه]

بسم الله الرحمن الرحيمـ,,


السلام عليكمـ,,


يسعدني أقدم لكم اليوم من أجمل القصائد اللي سمعتها على قناة الصحراء ,,



عهدي بها قدام تلبس عبايه
وانا بعد قبل البس شماغ وعقال!!

طفلين نتهجى حروف القرايه
الله يامجمل سواليف الاطفال!!

كانت لنا في كل شارع حكايه
وكنا نقول علوم ماهي بتنقال!!

وكنت اتقاسم مامعاها معايه
من (عسكريم)التوت ل(علك)ابوريال!!

وكانت بعكسي شاطره بالقرايه
تقرا جزء عم وطه والانفال!!

وانا-لك الله-من مواري غبايه
مدري ابونقطة هو الذال اوالدال!!

وكانت لابويه تشتكي من شقايه
وتعلمه كيف اربط الباب بحبال!!

ياما على ظهري كسر من عصايه
يقول لي:خلك وانا ابوك رجال!!

وامي تقول:ادع لولدك الهداية
خوفي يصيبه كثرت الضرب بهبال!

لاشفتها مع اول الدرب جايه
مادري انا اللي ملت ولا الوطا مال!!

احس قلبي يرتجف في حشايه
ماكنه الا الضيف لاهز فنجال!!

ياما عن السعلي تخبت ورايه
لاخوفوها فيه ثم شافت ضلال!!

تقول خلك يا( محمد )معايه
واستانس العب عندها دور الابطال!!

واغار حتى من عيون اصدقايه
لاطالعوها قلت تكفون ياعيال)!


وسلامتكمـ



للشاعر:::محمد النفيعي
أتمنى أن تنال أعجابكم