هذه احدى قصائد الشاعر المبدع فيصل بن سالم اليامي
ارجو ان تحوز على رضاكم:
ويقول فيها:
ماسمعتوا عن ضريرٍ عينه تشـوف وضريـر؟
قلبه اعمى مايشوف ..وغدره اصبـح صنعتـه
ذاك من شـره تجاهـل طيبته..والطيـب خيـر
ما بعـد مـره سمعـت النـاس تذكـر طيبتـه
ما سلم منه غنـي .. ومـا سلـم منـه فقيـر
الحسـد والشـر دايـم داخلـه مـن خلقـتـه
ما تقدم في مسيره ..ماله اصـلاً فـي المسيـر
غافيٍ والناس قامت .. ما صحى مـن غفوتـه
ان كذب كنه يسولف وان حكـى حكيـه كثيـر
والكلام ان مـا تـوازن .. كثرتـه هـي قلتـه
قشتًه لو كان صادق قاصمـه ظهـر البعيـر
وش علي من البعير .. وًش علي مـن قشتًـه
شتتـه شيطـان فكـره.. حسسـه انـه كبيـر
مـادرى انـي كشفتـه.. قبـل يبـدا لعبـتـه
يلعب احسن له بعيد ولا يصيـر اللـي يصيـر
لا يظن انه فطيـن .. وتمشـي عنـدي زلتـه
الارانب دوم تمشي و الصقور اللـي تطيـر
واللي مثلـه .. لا يطيـر ولا يصحـح مشيتـه
لو عسف خيل المراجل .. يبقى في عيني صغير
اعرفـه.. واعـرف طريقـه مايخلًـي سكتـه
اقدر اسوي سواته .. بس انـا عنـدي ضميـر
بس لو شفتـه تمـادى.. لازم اكسـر شوكتـه
كان عقله مـا يفـرًق بيـن (رجاًل)و(غريـر)
عقلي اكبر من كلامه .. كل شخـص وفطنتـه
الصديـق يفـوح مسكه..والعـدو نفًـاخ كيـر
واللي ما يعرف مقامي مـا علـي مـن قيمتـه
اقـدر آميًـز عـدوي مـن صديقـي فالأخيـر
فرق بين اللي ضحكلي..واللي يصنع ضحكتـه
وسلامتكم:
اخوكم: ابن زابن
21-08-2004, 11:06 AM
العرض العادي
