موعد زفافك

[عبدالله ابوعجيم]

الموت ماهو لا انتهى عمر أنسان=الموت لا صرتي لغيري وانا اشوف
تضحك له الدنيا وانا كلي احزان=وياخذك مني والسبب .. قسوة ظروف
يا غايتي موعد زفافك ليا حان..!!=ابنسحب .. واتركلك دموعي ظيوف
جعل الفرح يعزف على دربك الحان=وعينك بعد فرقاي ماتبكي حسوف
خلان .. نبقى لاخر العمر خلان=وأن ما كسبتك قرب ..؟ تكفيــني طيوف
أنتي .. زرعتي الحب في قلب ماخان=واخر حصادي صار للغير مقطوف
وأنا .. وفبت وحظ دنياي ماصان=جيتك طليق افراح وأقفيت مكسوف
ماني بلومك !! لاكن ألوم من كان=يسعى على فرقى المحبين ملهوف
القصد واضح .. ماهو بحاجة اعلان=وما ظنتي للي على مثلك أتطوف
يكفيك عن قولي تعابير الأعيان=وإني احس بداخلي حرقة الجوف
لا تحسبين الحب تاليه نسيان..؟=وإلا يغطي شمسك بعيني كسوف
(( أنتي غلا يبقى على مر الأزمان))=وأنتي قصيده قلتها بصادق حروف
والموت ماهو لا طوى جسمي أكفان=الموووت لا صرتي لغيري وانا اشوف