قصيده قيلت في حفل زفاف خالد بن راكان بن حثلين ،،

[سلمان بن ضيدان]

السلام عليكم ورحمة الله وبركاته

.

.

هذه قصيده قيلة في زواج خالد بن راكان بن حثلين ..

وكانت بحضور من آل سعود و الأمراء والمشايخ والوزراء وشيوخ القبايل ،،


أقول /

بسم الله أبدا والبدايه خير يا روس الرجال=يا مرحبا ترحيبة تغني عن الما والطعام
يا مرحبا ترحيبة تبقا عـلى مـر اللــيال=أقولها وأعيدها في كل يوم وكل عام
بسمي وإسم خالد وأبو خالد نرحب بالرجال=اللي لهم في روسنا قدر ومعزه واحترام
يا مرحبا باللي حضر في حفل وافين الخصال=ترحيبة جزله وتنصى من رقا فوق السنام
يا مرحبا ترحيبة تارد على جم ن زلال=ترحيبة وعداد ما ذعذع من الغربي نسام
يا مرحبا ترحيبة منزالها روس الجبال=ترحيبة لآل السعود اللي رفيعين المقام
في حكم ربي ثم في حكم المراقيب الطوال=أهل التقا وأهل النقا وأهل المواقيف العظام
حكامنا آل السعود آل السعود أهل العدال=حكامنا حكامنا في حرب وألا في سلام
وأثني تراحيب الغلا للي لفا من كل جال=أهل المناصب والمعالي والمشاييخ الكرام
قلته وأنا من روس قوم ن ذكرها عبر الليال=تارد على حوض المنيه لا تلوم ولا تلام
أمجادنا ما تنجهل ما هيب من نسج الخيال=الجد عجمي والخبر والعلم ياصل راس يام
وقت ن مضى راحت عصوره والجمايل لا تزال=أقولها وأعيدها يا مرحبا مسك الختام

أخوكم :

سلمان بن ضيدان بن فلاح العجمي ،،،