قصيدة للفارس تركي بن حميد .. والله فيها معاني قويه وجمليه جداً أتمنى بأن ترتقي

[عَشّــاقْ آلصلَــفْ !]

هذي القصيدة للفارس تركي بن حميد (من شيوخ قبيلة عتيبة)
اتمنى تعجبكم بمافيها من معاني الكرم والشجاعة والزهد:





فكر وناظر يامحمد ترى الحال
نفسي وتاليها مع الله خبرها
العين كن لها عن النوم عذال
تسهر وغادن نومها عن حجرها
والكبد ماتقبل من الحلو فنجال
والمر لو هو عشرقن مانقرها
دنيا هيال ولا لحقنا لها جال
وازريت اميز سهلها من وعرها
كان اقبلت ياحلو هاك التبهلال
وان ادبرت سو على اللي حضرها
ماظن فيها واحدن داله البال
احفظ لدينك وانتبه عن خطرها
تراه مثل الفيَ لابد نزال
والشمس هي ويَا القمر من فكرها
الحق يذكر والتفاخر بالاموال
لاهين في غفلاتهم في دورها
كم فرَقت من دولتن حلَ واجيال
وإليا ومرها الله عطتهم نحرها
فعَال نوَ الخير لاموه الانذال
كثرت تخاليف العرب في صورها
يالله ياعالم خفيات الاحوال
يااللي ذنوب العبد لاشا غفرها
طالبك انا الجنة وحسنى بالاعمال
تقدر تفرَجها إليا جا قدرها
كم واحدن يمشي مع الناس مهذال
يرعى سواة العاذرة من بقرها
لاشاحنه علمن ولا وارده حال
ولا يميز وردها من صدرها
ثوب النقا مايرخصه لبس الاسمال
سلم الرجال اللي تلامع شهرها
إن كان ما انت بـفي مع******** حمَال
عمل الردى يهويك مظلم حفرها
ذا قول من عدل غريبات الامثال
بيوتن عسيرات لمن لاقدرها
انا احمد اللي بدل الشمس بظلال
وهانت مصاعبها ونقطف ثمرها
ماهمَني دنيا ولا همني مال
الرزق ياتي مثل هاتف مطرها
شفَي ومقصودي من الخيل مشوال
شقرا نواصيها كثيرن شعرها
شفَي عليها كان هو زعزع المال
ومن الهنادي صارمن في ظهرها
وبالكف من غالي المطارق هوى البال
يروى بحزات اللقا من حمرها
ونجرن توالي الليل تسمع له اعوال
ودلال يلقى الكيف من هو نحرها
بريَتن يطرب لها كل شغال
والزعفران مع العويدي ذعرها
تهدى لماضين التجارب والافعال
زيزوم عيرات تعايل جررها
وتهدى لمن يثني نهار التجيوال
مودع جياد الخيل تركب وعرها
والثالث اللي بالقسا يرخص المال
له ربعتن دايم تناطف سفرها
وصدَه عن اللي مع دروب الردى عال
يمناه عن طيب المعاني قصرها
وصلوا على من صار للحق مرسال
عداد ما اخضر الورق من شجرها


منقوووووووووووووووووووووووووووووووول

تقبلوا خااالص تحيات أخيكم : سلطان بن محمد العجمي ..

[تركي الميموني]

صح لسان شاعرها الكبير

الغني عن التعريف تركي بن حميد


قصيده مميزه طاب نقلك

يا بن محمد وابدعت وبانتظار جديد

روائع حروفك

تقبل مروري

[بنت الزعبي ..]

السلام عليكم ورحمة الله وبركاته

صح لسان كاتبها وناقلها

لا هنت ع النقل الرايع

تقبل حضورى المتواضع

["..عـَـذْبـًة الأطْـبـَآآآآع.."]

.
.
صح لسـآن كـآتبها ,,
ولاهنت ع النقل ,
.
.

[الـسـلطانـه]

صح لسان الشاعر الكبير تركي بن حميد وعزالله ان معانيها كبيره


يالله ياعالم خفيات الاحوال
يااللي ذنوب العبد لاشا غفرها
*
*
طالبك انا الجنة وحسنى بالاعمال
تقدر تفرَجها إليا جا قدرها


شي موغريب عليك ياعاشق اختياراتك مميزه

والله يجعلنا من اهل الجنه احنا وجميع المسلمين قووول آآآآآآآآآميييييييييين