السلام عليكم ورحمة الله وبركاته
.
.
.
هذه محاوره حبيت أنقلها لكم لأنها جميله بحق في أحد المنتديات
وهي بيني 
وبين الشاعر محمد بن عرار بن زنيفر
وأرجوا بأن تحوز على رضاكم /
سلمان بن ضيدان /
يا مرحبا بإسمي و بأسم الزحازيح الصناديد = ترحيبةن للي يبا اللعب والمعنى يجيبه
الهرش لو أنهجّر الهرش وألا نفتل القيد = يبقى على ما قيل هرش الحمولات الصعيبه
محمد بن عرار /
دام البقا ياشاعرٍ شوفتك فالملعبه عيد = والعيد يا سلمان ذا الليل منهو من نصيبه
الهرش خوفي يابن الاجواد لا يرجع مفيريد = واليا رجع ظمن المفاريد قلنا ذي مصيبه
سلمان بن ضيدان /
يوم أن ربّي جابك الليل يا نسل الأجاويد = وراك ما تسمع لذيبٍ زعجنا في قنيبـه
الليل يا مفراص خل السوالف دون توريد = قدام لا نكويك في ميسمٍ حامي لهيبـه
محمد بن عرار /
لو شفت فالمرقاب ذيبٍ طرحته بالبواريد = والظاهر ان اللي مروعك ذيبٍ في شعيبه
ذالليل يا سلمان تبقى القراده للمقاريد = اسلم وهاك الكويه اللي على خدك عـطيبه
سلمان بن ضيدان /
آنا من البحر الخليجي ليا حـزم الجلاميـد = كل الطواري عن صحيبك يابن شامر مهيبه
اتريد وألا يا ولد شامرن مـا ودّك اتريـد = تدفع غرامه عن كلام الحماقـه بالغصيبه
محمد بن عرار /
قال المثل ما يكسر الحيد يا الغاوي سوى الحـيد=ارفق على عمرك ولا يلحقك شكٍ وريبه
حنا مداهـيل المنايا على اللي زادوا نزيد =رضيت والا طق راسك على حيدٍ صـليبه
سلمان بن ضيدان /
قال الصعيدي يا محمـد صعيـديّ المواليـد = اللي يجادل في كلامك من العربـان سيبه
الحارس اللي هاب يا ناس من هجمه وتسديد = نصيحتي له لا يقرّب تـرى ماهي طليبه
محمد بن عرار /
لا والله الاّ ضاعت علومكم جمله تــفريد=صدّرت من جدّه بعد رحت وارد صوب طيبه
يا اللي تقنّص في حمانا ترى مافيه لك صيد=ماهي غريبه لا حديناك لا ماهي غريبه
سلمان بن ضيدان /
حَل القضيه بيننا وأنت خابر ويش أنا ميد = يا كم رجالن حلّو اللـي تعقّـد فالحريبـه
وأن كان تبغا العلم علم السنع يجلا التناكيد = أدفع ضريبه يا محمد وأنا بدفع ضريبـه
محمد بن عرار /
اليا كثر هرج البدو كثرته زود التراديد=ان كان عندك علم خافي محمد ما دري بـه
من جرّها بيديه ياصاح بيجرّ الـتناهيد=هـذا الـكلام اللي بعيده ينبّي عن قــريبه
.
.
.
صح لسانكـ يا شاعر الشبكه = محمد أبن زنيفر ،،
تقبلوا خآلص تحياتي ،،
28-10-2009, 11:05 PM
العرض الشجري