متقلبن مابين ليته وملزوم....ودي ولاكن وينها أمنياتي :)

[شـــواش]

السلام عليكم ورحمة الله وبركاته
اضع بين أيبدكم هذهِ القصيده المتواضعه ""
واود أن تنال اعجابكم

ليه الفرح في دنيتي صار معدوم=وليه بحياتي صارت اَخر حياتي

تبكي علي أفراح وتضحك لي هموم=وأنا مابين أثنين ضاعت خطاتي

عايش كذا محروم أو أيه محروم=من بسمت(ن) عيت تمر بشفاتي

أذرف دموعي وأنزف طعون مزموم=وش حيلتي لاصار هذي سواتي

ان قلت زانت زادني الحض بركوم=وأن قلت بصبر شفتها مر تاتي

مليت أجاري كذبت الحزن مدوم=وتعبت أصدق في حياتي هناتي

مافية صدري يحتمل زود مكتوم=ولاعاد فيني أكتمه في سكاتي

لاصار حلمي يشتكي ساس مهدوم=ليه اَتحرا طيحته وليه أحاتي

خله يطيح ويترس الصدر بردوم=مدام أنا طحت جيبها مطوحاتي

وش لي بدنيا عشتها بظيم وظيوم=ماوردت لي غير هم بحياتي

لاشفت راحه ولاعيوني هنت نوم=والحظ الأقشر بالبصر معمياتي

من وين ماسقت القدم جيت مهزوم=مثني شواهيق الأمل خايباتي

ماهو ردى فيني ولاني بمليوم=الحظ لو رجلن شكيته عناتي

اليا متى عيشت حياتي تلج حوم=لامن تحدر صيد ولامن عشاتي

متقلب(ن) مابين ليته وملزوم=ودي ولاكن وينها أمنياتي

ليلي تشتت بين أحزان وهموم=تعبت أجمًع في حياتي شتاتي

حظي كسر فيني بضالم ومضلوم=صابر لعل الحظ يصدف وياتي

مشتاق عيني تنظر أفراح بقدوم=وتفلها ضحكات عيني وشفاتي

مشتاق مشتاق السعادة تجي غيوم=وتمطر على دنياي خير السقاتي

وتلبسني الفرحه كما لبس الهدوم=وتزهابي البدله وزينة عباتي

وأعيش في دنيا الفرح دايم الدوم=مبسوط مرتاح أبحياتي وذاتي

خلاص ياعبرة أطلعي مني اليوم=ماعاد فيني مقدرة للثباتي

طفرة هموم وحزن واَهات مشؤوم=أغرب صور صارت تعيش بحياتي

أخوكم: شواش العنزي

[/quote]