هذي مجمـوعة قصائد استطعت الحصـول عليها
للشاعرالسجيــن/ عبدالله ابن دهشل الحارثي اليامي.
وعسا ربي يخارجـه من سجنه
وتقر عيون من يحب برؤيته واتمنا ان تنال على رضاكم واستحسانكم,,
قصيدته الاولي بعنوان(انا البارحــه)
انا البارحه ياابوزعـل يوم كلـن نــام
وكلـن غفـت عيـنه وعيــني سهيــراتــي
وكلـن هناه النوم وانـزج في الاحـلام
وانا ياعلي ماغـض طـرفي ولابـاتي
واخيـل الربـوع اللي حـوالـيّ كلن هـام
احـد في كوابيــسه واحـد نام بـسكـاتي
وانا اللي كما الجنـدي سهيـرن وماسك زام
ولـزمن عليـه يقـوم بقصى الحراساتـي
وسامر طـوال الليل ساهر مع الاوهـام
اقـوم اتذكر مامضى لي وما فـاتــي
ومرت على ساعـه وياخـوي كنها عـام
وانا سارحـن فيها بفكـري ونظــراتــي
ومن عقبـها سجيــت من هاجسـن لي قـام
واقـوم اصفـق الكفيــن واهل عبـراتـي
وجريـت انا الونات من خاطري المنضـام
من اقصى الضماير ياعلى جات دفعـاتي
وياونتي ونيتها من ورى الاقســـام
وردت صـداها جـات في كل الاجهــاتــي
شمال وجنوب الارض من ونتي قد قام
وحتي سمـع من بالشـرق والغــرب وناتــي
سجـين وحالي حـالـة اللـي عليــه اعـــدام
يجـر الونيــن ويشتكــي مثل شكـواتــي
قصـاصـه نـزل من غير ذنبـن ولا اجـرام
معـذب ولايدري قصـاصـه متي ياتـي
سجيــن وقدلـه في السجن فــوق عشــر اعــوام
قضى الحكم واصبح منحسـب ضمن الامــواتـي
وياونتي ونه ومنها الضلــوع حطــام
ودمعـي جــري من سبهـا فـوق وجنــاتــي
ليا من طرالـي صاحبي باهيـن الاوشـام
وثغـرن كما الياقـوت معسـول لشفــاتــي
ابوعيـن روشا رمشهـا حربـتـن وسهــام
الي رد طــرفه رد في القلـب طعنــاتـي
وليفــن وحبـه قـد قعــد في حشاي وقـام
تمكــن بـوسـط الجــوف بجيــشـن وقــواتـي
وليفــن هـويــته ياعلي دون كل العـام
وعـز الله انـي ذقـت في الحب سكـراتـي
احبـه وقـدلي في هـواهـم ثمـان اعــوام
وهـايم معـذب فيه ياكثــر ليعــاتــي
احبـه وانا اللي حبـــهم في فؤادي دام
ولاقــد حسبــت بجيــتي لــه وروحــاتــي
وفي ختامهـا بدعيــك ياعـالي وعلام
وعـالم بمـا تخفيــه ذا النفــس في الـذاتــي
ويامـن لك المسلـم يصلي وهو لك صـام
ويامنــزلــن وحيــه عليــنا بالايـاتــي
تفــرج على المسجــون ذي ماغفـا او نــام
وتطلــق سبيــلــه ياالــه السـمــاواتـــي
قصيده بعنوان(الصنـدوق الوارد)
انا البارحـه يوم العـرب في المنام غــروق
وطـرف السجيــن يــرف ماغضــت جفــونــه
سهيــرن واخايل في مثـارن وراه بــروق
واخيـله سـرى وابعـد علـى وابعــد مــزونــه
وانا سـامرن وحــدي ولاحــد معــي مخلـوق
سـوا هـاتفــن حــرر هــواجيــس مسجــونـه
ودق الجـرس واشـر على وارد الصنــدوق
رسـالـه وقمــت اشــوف ظـرفـه ومضمــونـه
لفتنــي قـوافي من خلالــه بفــن وذوق
جـزيـلات بالمعنـى وبالـــوزن مـوزنــه
حــروف الرجـال اللي بـدا بيــنهم منســـوق
وكلــن شكــى للاخــر وبيــح بمكنــونــه
قــوافــي وصــدري من سببهــا غشــاه فتــوق
ومـوقــي دمــوعـه حار في محجــر عيــونــه
وهـاض الخفـوق وجيـت اسـوقــه على الطـاروق
وانا اجـاذب الونـات والكبــد مغبـــونـــه
وانا اللـي غـدى قلبــه في درب الهـوى منتـوق
وقفـى مع المقفـين يوم اقفــت ضعـــونـــه
انا لـي وليــفـن صابني ياعلي من فــوق
برمـشــه وصــاب القلــب برمـاح مسنــونـــه
فـريــدن ومن بيــن العــذاري ظهــر مفــروق
وفي ذمتـي مالله خلـق مثلــه بكــونــه
ولو ياحمـد شفتــه ماقلــت ذا مخلـــوق
تقــول الخــلايــق والقمــر مايساوونــه
اغامر واسوق النفـس وسـط المخاطـر سـوق
لعيـنا عيـون صويحبـي وبارق سنـونــه
هـويتـه وانا اللي في الهـوى حالفـن ماابـوق
وانا لاقطعـت العهــد والله مااخــونــه
ولكـن وقتـي جار واقبـل على مطفــوق
ظـروفـه على المضنون تقفـي بمضنونــه
رمتـني بوسـط السجـن والقيــد بي مصفــوق
سجـين وبابـه حايـل الشبــك من دونــه
وانا اللي من اسباب الهـوى خاطـري محروق
وانا اللي سهيـرن والسهـر متلفــن نونـه
ودرب الهـوى معـروف عاشـق وله معشـوق
وانا اللي تعـدى العشــق واصبحـت مجنــونـــهقصيده بعنوان( واقف على الشبـاك)
ياصاحبـي وش حيلـة اللي عليـه اشبـاك
سجـين ولــه عاميــن ماطـاب له بـالــي
عليـه الخفـاره شـددت برجهـا باسـلاك
ومـن دونـه البيـبان صكــت بالاقـفـالــي
عليه القيـود اللي حشا مالهـا فكــاك
سـوى الواحـد المعبـود رب السمـا العالــي
قضـا سجنتـه مابيـن ضيقـه وبيـن ضنـاك
وهمــومـن لها بالصـدر ياصاح مدهـالـي
ليا من طرت شبت لهايـب عليـه وجـاك
ايفـوحّ وكن صـدري على حامي الصالـي
انا البارحـه فالسجـن واقـف على الشبـاك
وعيـني تخايـل في فجـوج الخلا الخـالـي
ويسـرى بي الهاجـوس ياصاحبـي لقـداك
حـدانـي كثيـر الشـوق ياطيـب الفـالـي
وليا بان لـي ضي القمـر شفـت فيـه ضيـاك
والـج الصـدر واقـول انا يابـري حـالـي
واعـوى عوا سـرحـان لاخـاطري طــراك
كما اللي حـداه الجــوع من بطنه الخـالي
وحسبـي على اللي يالغضـي زاد من بلـواك
وحسبـك على منهـو السبـب في تبهـذالـي
ياصـاحبي يفـداك منهو نـوى يشنــاك
ويفـدونك الحسـاد مع كـل الانـــذالــي
وحتي العـذاري البيــض ياصاحبــي تفـداك
ويفـداك قلبـن سـج في الحب موالــي
وانا والـذي نفسـه بيـده ابد ماانسـاك
ولاغيـركم فالحــب يازيـن يحـلالــي
ولوحـال من بالكـون بيني انا ويــاك
واهل الشمــت واشـي وحاســد وعــذالــي
ابد ماتخلي عن هواكــم واتـم اهــواك
ولاابغـى هوى غيــرك ابـد ياهــوى بـالـــي
انا لوصـواديف الدهــر جاتنــي بفرقــاك
فعـز الله ان المـوت من دونـك اشـوالــي
على الله متي يازيـن يصفـا الدهـر والقـاك
على الله متي يصفى الزمن ثم يصفـالـي
انا البارحـه صغت القـوافي على الشبـاك
وانا اطـرد مع الجـوال ابـراج الارسـالــي
ابا ارسل على المضنون ياهاتفـي خــلاك
دخيلك ترى صبـري انتهـى حـده وطــالــي
رسـاله وفي عنوانهــا يالغـلا مااغـــلاك
واحبك وانا اللي دايم الـدوم تطــرالــي
من اللي قتيـلك فالهـوى يالغضـــي حيـاك
الي داعــج العيـنين ابو رمـش قتـالــي
وسلامتكم
07-11-2009, 12:34 AM
العرض الشجري