أقفا وهــاض الراس شوف المقفيين = ويـا شـيب عيني يوم قفا مسيره

[لــهــذام]

:


:


السلام عليكم ورحمة الله وبركاته



كيف الحال للجميع عسى أموركم بخير


مـن دون مقدمات أبيات متواضعه عسى أن تنول على رضاكم



:

:



:

لا بــارك الله في ضحى يوم الاثنين = إللي على كبدي نياره سعيره

فارقت أنا من يملي القلب والعين = ولا فيه من هو يملي القلب غيره

أقفا وهـاض الراس شوف المقفين = ويـا شيب عيني يوم قفا مسيره

يا ليت علمي بالمفارق من سنين = كـان أحسب حساب الليال الاخيره

اللي بها دمـــع وتنــهات وونــيين = مــع بل ريقن بــالعباري مـــحــيره

مــن هو فقد خله ( بــدى ) خاطره شين = مــجبور من ذاق المراره تثيره

يــقطعش يا دارن جفوها العزيزين = مـا هي بقسمً لي ولا هي بديره

دارن خلت في ذكرها للمحبيين = وش ليبها يا اهل الوجيه المنيره

واليوم بــرحــل وين ؟ مــدري على وين ؟ = يالله عسى ماتطلب النفس خيره

وســلامتكم