ممكن طلب قصيده

[الوضحا]

السلام

ممكن اللي يعرف قصيدة يقول الشاعر

يمنى بلا يسرى تراها ضعيفه

والطير بالجنحان ماحلا رفيفه

..................

ابي القصيده كامله

[العماني]

وعليكم السلام ورحمة الله وبركاته

اللي أعرفه ان الشاعر عتيبي وانا فقط أعرف بيتين :

يمناً بلا يسرا تراها ضعيفه=ورجل بلا ربعٍ على الغبن صبّار
والطير بالجنحان ما احلا رفيفه=ولنكسر حدا الجناحين ما طار

يمكن أحد من الأخوة يأتي بها كاملة وسامحونا على القصور.

[فيصل بن حجرف]

هي للشاعر الــرويــس الـعـتـيـبي

ولكن ارجو من عنده القصيده كامله انه مايبخل علينا

[غدى]

الوضحا


القصيدة طويلة جدا ولاكن غير موجودة على حد علمي واللي محفوظ منها فقط ومتداوله هي ثلاث أبيات فقط ولاكن لايمنع ان احد يجيبها كامله .

اللي بخاطري طال عمرك وعندي بقوله وللتصحيح على بعض الابيات اللي كتبتيها : ـ


الشاعر سجوان الرويس العتيبي يصف الجماعة والتكاتف بهذه القصيدة التي اشهر قصيدة تناقلتها الناس على الاطلاق ، يقول الرويس :


يا حسين بلدان الجماعه مريفه
واللي مع الاجناب كنه على نار

الطير بالجنحان ما حسن رفيفه
وإليا انكسر حدا الجناحين ماطار

يمنا بلا يسرا تراها ضعيفه
ورجل بلا ربع على الغبن صبار


ويقصد بحسين هو : : الشيخ حسين بن جامع شيخ الروسان .

وهذه معلوماتي ولك مني التحية


غدى العتيبي

[مـحمـد]

السلام عليكم

القصيده للشاعر الرويس العتيبي

وقصة القصيده هي انه صارت سالفه بينه وبين ربعه ونزح عن ديارهم

وبعد سنين اشتاق لديار ابناء عمه وقال هذه القصيده ويقصد حسين احد من جماعته .

ويقول :

يا حسين ديار الجماعه مريفه = واللي مع الاجناب كنه على نار

الطير بالجنحان ما أحلا رفيفه = وإليا انكسر خطو الجناحين ماطار

يمنا بلا يسرا تراها ضعيفه = ورجل بلا ربع على الغبن صبار

ALAJMI

[محمد السبيعي]

الأخت غدى

القصيده ليست لسجوان على حد علمي

فهي ل عبدالله بن عون من الروساان من عتيبه

شاعر كبير جدا ومعروف في الجزيره العربيه

والمعروف من بني عون الثنين انهم غربااااء عن دياارهم

فهم يسكنون مع سبيع في مدينة الخرمه