السلام عليكم ورحمة الله وبركاته
هذي قصيده من اروع ماسمعت من القصائد للعلم مصلح بن عياد
قصيده كلللللللللللللللللها حكم واترك لكم الحكم
يـــارب تـغـفــر زلــــة مـالـهــا ســنــاع = عـلـيـه اثـقــل مــــن جــبــال الامــريــن
يــــوم اتـذكـرهــا وانـــــا لازم الــقـــاع = اقـــوم وادرج راســـي يـســار ويـمـيـن
تـقـول لاهـبـنـي عـلــى الـكـبـد مـنــزاع = وإلا مصـوبـنـي عـلــى الـقـلـب سـكـيـن
عــزالله إنــي مــن عـنـا الــرب مـرتـاع = والنفس تجهدنـي علـى الزيـن والشيـن
يالله عسـانـي فــي مطـوعـتـك مـطــواع = يـارب ساعـدنـي عـلـى القـلـب والعـيـن
المرجـلـة يـاهـل المـراجـل لـهـا انــواع = ثــــلاث واربـــــع يـانـشـامــا وثـنـتـيــن
خـــوف مـــن الله واحـتــرام وتـشـفــاع = وحفـط علـى رزق اليتـامـا والمساكـيـن
وبرالثنيـن الـلـي خــذو عـنـك الاوجــاع = وسهـروا علـى شانـك مـن الليـل ثلثيـن
شـجـاعـة مــاهــي شـجـاعــة تـفـيــراع = لاولــــع الـشـيـطـان نــــار الشـيـاطـيـن
راس الـقـريـب مـالـهـا فــيــه مــشــلاع = علـى العـدا ماهـي علـى الربـع الادنيـن
وصيـنـيـة يلقـابـهـا الـضـيــف مــربــاع = ولاهـزعــوا جيـلانـهـا بــــام عـصـبـيـن
وبـريـة تـشـرى مــن الـســوق وتـبــاع = وسـوالـف زيـنـة مــن الخـاطـر الـزيــن
والصـبـر والحكـمـة وزيـنـات الاطـبــاع = وامـقـابـل الـديــان فـــي حـــزة الــديــن
وحـاذرور مـن كثـر الغضـب والتجـزاع = عـنـد المصـايـب واخـتــلاف القـوانـيـن
ولـيــا بـدالــك صـاحـبـن فـيــك طــمــاع = خـلـه يـسـار الــدرب وانـتـه رح يمـيـن
واجـــزع طـريـقـة للريـاجـيـل مـجــزاع = وخــــل الــدنـــاوه لـلــرجــال الـدنـيـيــن
لاصــار شـــورك مـــا يسـبـعـك سـبــاع = مـالــوا عـلـيـك مـرجـحـيـن الـمـوازيــن
ليـا صــار مانـتـه لازرق الـجـم شــراع = خـلــه لـسـبـاح يـجـنـب عــــن الـطـيــن
والـحـذفـه الـلــي مـالـهـا فـيــك مـيـقـاع = تعـدهـا ولا تسـبـر الـحـذف مـــن ويـــن
واليا اعتـرض لـك حذفـة توجـع وجـاع = رد السـلـف لـمـدور الـصــاع صـاعـيـن
رد ن علـى بعـض الرياجيـل فـي ســاع = اخـيـر مــن بـكــرة وبعـديـنـه وبـعـديـن
مـن عـاد يقضـي لـك لزومـك ليـا ضـاع = واعجـل لـيـا شـفـت الرياجـيـل عجلـيـن
وان زلـــت الـفـرصــة تــوقــع تــوقــاع = ولا تـقـضـي قـــرش غـدالــك بقـرشـيـن
ليـاصـار مـاهـي لايـمـة فاقـصـر الـبـاع = واخــذ الدلـيـل لـيــا اقـنـعـوك الـذويـيـن
طـــرد ورا المـقـفـي بـعـرضـك الارواع = وكـثـر السـنـاوي مــا تمـلـي مـواعـيـن
لـلـخــيــر تـــبـــاع ولــلــشـــر تـــبــــاع = وحــاذور تنـعـس والريـاجـيـل واعـيــن
والـذيــب مـايـرقـد هــنــي لــيــا جــــاع = غصب على الراعي يحوي على الضين
وصـــلاة ربـــي عـــد مـاهــب ذعــــذاع =عـلــى رســــول الطـيـبـيـن الـمـوامـيـن
02-01-2010, 08:23 PM
العرض الشجري