السلام عليكم ارجو ان تحوز هذه القصيده على اعجابكم
ياهاجسي ذا الحيـن مافيـه بعديـن
أطلق سراح اللـي بصـدري دفينـا
عليك جـيٍ بـه ويبشـر بتمكيـن
من شاعرٍ نضمـه ماهـو يستلينـا
قرايـحٍ قامـت تـلاعـا ملاحـيـن
دكة وهي بالصـدر كانـت عطينـا
مهما كتبتـك مابغلـت المضاميـن
مادام علـيٍ فـي أمريكـا سجينـا
رجلٍ جمع صدق المراجل مع الديـن
وذخرٍ الـى مـن شلوحـن السنينـا
يا لابتي ماعاد فـي الامـر علميـن
هـذا اختيـار الشّـف والسائليـنـا
والا الرجى فينا من الحيـن للحيـن
يااللي تحسبٍ إن حن أنسج وسلينـا
تلطـم خواطرنـا ولاحـن بزينيـن
مثـل البحـر لاجـاه كـونٍ كوينـا
صبر آل كحله ياعلي قد له أسنيـن
ماهوب فـي زنزانتـك غيـر فينـا
صبر آل مره ياعلي يالبـس الشيـن
ولا يحطـه مــرةٍ وقــت ليـنـا
صبرآل مره ياعلـي تذرفـه عيـن
مع كل طاري ٍ منـك فيهـا يحينـا
صبر آل مره ياعلي فـي البزاريـن
قـل وكـثـر سؤالـهـا لليقيـنـا
صبر آل مره ياعلي فـي البلاديـن
قـد لـه ثمـان اسنيـن الله يعينـا
من 11 ديسمبـر أولـك يـا الفيـن
إيليـن حكمـك بـت فيـه العيـنـا
وحنا ماغير أخبارومحامـي البيـن
وإهـلال ٍ احمـر بالرسايـل يجينـا
صبر ٍ عليه إنداين الغـرب وأنديـنم
ن يوم فـرّق لـه خديـن وخدينـا
من غير لا وده ولا ايسـار وايميـن
حكم القوي بالظلـم جـور ومتينـا
يامتدعين إحقوق الانسان من ويـن
جبـت المسمـى يالعـدو المُبيـنـا
حرب اقتصاد وفكر لعبـة امعاديـن
وحنـا علـى التوحيـد متمسكينـا
ماحن نـدور فـي التباديـل ثنتيـن
نحيـا عليـه ودونــه الميتيـنـا
امسٍ تحجزه دون لا جيـم لا سيـن
لو تحكمه ماهيـب تمشـي علينـا
تجريـم والتهمـه بليـا براهـيـن
عطنـا اعتـرفٍ غصـب للمدعينـا
ولا ترى سجنك يطول لـه اسنيـن
شعارهـم الاجـرام أبنـا اللذيـنـا
اللي نفكـر فيـه وش بعـد ماكيـن
واللي بعـد عـاده مكيـن وكنينـا
ماهيب..في الدنيا ولاهيب في الديـن
وقف الحريـه لـه ثمـان السنينـا
وهي .. لو انها امقابظ أوجيه وايدين
خليـة مزاهبنـا وخلـيـة يديـنـا
ماهو كـلام أمريـحٍ بـا الدواويـن
إلا كـلام اللـي يــدان ويديـنـا
لاشـك نرجيهـا مـن الله وداعيـن
ولا خاب من كان الولي لـه عوينـا
لنا على أهل الطيب حـق المناديـن
اللـي بصكـات المواقـف اتبيـنـا
ياشيوخنا يا اهـل قطـر يالمياميـني
اعيوننـا ياللـي لولاهـا عميـنـا
اهل اليمان اللـي لهـا دوم تبييـن
لنـا عليهـا مثـل ماهـي عليـنـا
وأختص ابو مشعل حكيم الصلاطيـن
حمد.. حمد زبن الدخيـل الشطينـا
ياراعـي العليـا زبـون المخليـن
ياراعي العليا تـرى حـن ضمينـا
من شوف علي ٍ صار ماحن بداريـن
وفي نخوتك يـا أميرنـا ماغوينـا
ياراعي العليـا صعـوط المجانيـن
دام الأمل في المقـدره لـك نخينـا
ياراعي العليـا تـرى حـن قوييـنب
الله ثـم بـك ياكـريـم اليميـنـا
لو مانخبرك ياحمد يا احمـر العيـن
ماكان نفتح له مجـال وحكينـا
24-01-2010, 05:46 PM
العرض الشجري