(قبلة الشوق) .. فهيد بن عصيدان

[فهد بن مطلق]

السلام عليكم ورحمه الله وبركاته !

مبطي عن الشعر العام ..

صلوا على النبي
.
.
.
.
.
.
.


ياقبلة الشوق .. حكي القلب ماله عندي لسان
يوفي لك النبض دام الشعر , والتعبير .. خاين


أحاول انسى .. ولكني نسيت ان فيه نسيان !
أحاول أخفي جموح الشوق .. بس الشوق باين



كيف أقطعك ؟ وأنت في دمي تسير وحبك ادمان
لو كان قلبك وطن ضيم , ومشاعرْك المداين !


بأضلاعي إنسان .. ويموت ويعيش بداخل إنسان
ياليتك تحسّ .! ياللي في مشاعرنا تباين



مادمت تعني تفاصيل الحياه .. وكل عنوان :
أحبّك بكل حالاتك معي .. قاسي ولاين


رح وإنشد الليل .. كم زرته نديم ورحت ندمان ؟!
أطوي تهاتيه ذاكرتي .. واصورها واعاين


أذكرْك يوم أزعلوك .. وعذربوك .. وجيت زعلان
ضميتك وقلت : مابي خاطرك لاجيت .. شاين


وخابرْك بالعيد .. غضت الغيد .. وزدت بقدر فستان
وش لون .. مزيون .. لكن كل يوم ألقاك زاين ؟!


في كل ذكرى معك .؟ تاخذني وترجعني ازمان
وقتي معك لو تهاونته .. معي ماهوب هاين



وش كان قدر الغلا لو انّه يقدّر بالأثمان ؟
عزالله اني لك بماضيك وبحاضرْك .. داين !


لاتحسبنّ السنين تنزّلك .. أو كاينٍ كان
غلاك عاده .. ومنزلتك حريمه لأي كاين



ياليت ماعندي إنسان .. وحياته داخل إنسان
وياليت مالك وجود , ولاشبيه , ولاقراين !