قصة كويتي وسعودي

فايز بن محمد الفايز · #1 19-03-2010, 01:47 AM

--------------------------------------------------------------------------------

قصه رائعة جدا ًوفيها هدف وكل لبيبٍ بالإشارةِ يفهمُ

كان فيه سعودي و كويتي زملاء يدرسون في بريطانيا

وبعد انتهاء فترة الدراسة قرروا يرجعون لأهلهم

فقال الكويتي للسعودي :::

قبل ما تروح للسعودية تعال معي للكويت و بعدها رح للسعودية فوافق السعودي وهم في المطار رايحين للكويت دق اخو الكويتي من الكويت وقال لآخوه أن جدتي توفت

فقال الكويتي لاخوه انا معي زميلي من السعودية وعازمة فلا تقولون له شي حتى ما يضيق صدره ولا أحرجه نصلي على الجنازة وكنها لأحد من جماعتنا

لما وصلوا

صلوا على الجنازة وقعد السعودي له مدة في الكويت أعجب ببنت جيران الكويتي و قال لزميله اني ودي أتزوجها

فرح الكويتي وقال انا مستعد أخطبها لك و فعلا خطبها له وخبر السعودي أهله وسووا الزواج ورجع السعودي لديرته

وبعد مدة طويلة كبرت تجارة السعودي وطلع تاجر وغني

والكويتي خسر كل أمواله وتجارته فقال مالي إلا أروح لصديقي السعودي أكيد بيساعدني

وفعلا راح للسعودية وهو منتظر شوفه زميله بفارغ الصبر لما سال عنه ووصل لبيته صار مو بيت صار ساكن في قصر وتاجر وكان الوقت متأخر فقال للبواب قل لراعي البيت ان زميلك من الكويت فلان بن فلان عند الباب وانه محتاجك مرة مرة وان حالته كذا وكذا

و بعد مارجع البواب عطي الكويتي شيء من عشى السعودي

تخيلوا

---------------

فضاق صدر الكويتي

وقال هذا جزاء الصداقة المهم

وهو راجع رجليه في الطريق

لقى رجاليين من رجال الإعمال يتراهنون على مليون اللي بيجيهم الأول بيعطونه المليون وكان من حظ الكويتي

انه هو اللي جاهم الأول واخذ المليون و تاجر بها في السعودية وقبل ما يرجع للكويت لقى عجوز معاها بنت وقالت له

العجوز أبي اخلي البنت عندك وأروح أحج إذا مارجعت تزوجها وخلها عند ك

لما طولت العجوز عقب الحج أتزوجها وسوا حفله الزواج بالكويت وفي أثناء الزواج وكان من ضمن المدعوين زميله السعودي

لما شافه الكويتي غضب وقال للحضور اطردوه هذا خاين العشرة والصداقة

تخيلوا انه لما جا معي للكويت

وكانت جدتي ميتة ما علمته عشان مايضيق صدره على وخطبت له بنت الجيران اللي كانت في الأساس خطيبتي وفضلته على نفسي ولما جيته محتاج عطاني فضله عشاااااه

---------------

تدرون وش قال السعودي....؟؟؟؟

قال اسمعوا واحكموا علي ......

أنا يوم جاني الكويتي وهو محتاج ماحبيت أشوفه على حالته هذي عقب ماكان تاجر وكبير أشوفه صغير ومحتاج وأتفضل عليه بشي من عندي عشان كذا عطيته فضله عشاي

وبالنسبة للتاجرين اللي متراهنين على مليون هذولي أخواني أنا مروحهم له عشان يفكون ضيقته

أما با النسبة للعجوز اللي معاها البنت فهاذي أمي والبنت هذي طبعا أختي

وش رأيك ما احضر زواج أختي؟