لا-تنــزلـيـن- الـمـنـصــه

[عبدالرحمن العقيلي]

بسم الله الرحمن الرحيم


الــمنــــــــــــــصــــــــــــة

لبيه ياصوت(ن)جذبني حنينه=وقلبي دعاني كان تغليه؟وصّه
ماعاش من يمنعك عما تبينه=والقلب خايف لاجل غال(ن)يخصه
ماقول حفل الغد لاتحظرينه=اقول لك لاتنزلين المنصه
نخشى تعاودنا الليال الحزينه=ونقطع طريق(ن)ماوصلنا لنصه
النفس صارت في غرامك رهينه=ودعت لي قصه وجات الف قصه
والفت عنك اكتاب دره ثمينه=تحكي عن اوصافك تفاصيل نََصه
ممكن يدرس للعقول الفطينه=ويضاف له في منهج العلم حصه