السلام عليكم
لتواصل
آقبلت لي مثلك مثل أي مخلوق=ما بيني وبينك عهود ومواثيق
آقبلت : غيم ٍ في مقاديمه بروق=وراه سر .. وفي خفاياه تشويق
جيت بـ/ شموخ اللي من الناس مرموق=لكن عجزت آلقى لـ.. جيّتك تعليق !
وفجأه ؟ بديت أشتاق وآحن وأتوق=وأغفى على وسادة ملامحك وأفيق
تهب ريح , و ( قدّ طاريك ) ممشوق=وآلمح تفاصيل ٍ على جسمه تليق
مدري هي الصدفه تسوق القدم سوق=والا أنها أقدار المحبه توافيق
بس الاكيد : أمسيت وأصبحت مسروق=أثر الذهب ما تحتميه الصناديق
خلاص ما أنت بصورة ٍ تسكن الموق=نزلت مع موقي .. وجيت المعاليق
وطار آلك قلب ٍ عنك ما عايقه عوق=فكيته .. وفكيت معه المسابيق !
خذ راحتك .. لا صرت للروح معشوق=تقدر تعدّي كل الأضلاع وتويق
من قال ماللشعر في وصفك حقوق ؟=ونظرة عيونك .. تستثير الطورايق
إن ما تغنّت فيك طاروق / طاروق=ماني لـ.. أميرة قصر الابداع عشّيق
الحب مثل المسك : رغبة هل الذوق=إن طال عمره .. عتّق الشوق تعتيق
نفس الحياه اللي ملت شارع السوق=الفوضويه منك , من غير تنسيق
لكن هدوءك .. ما يخليني آروق=مثل الهوى الساكن بـ/ روس الشواهيق
فرحت لأني كنت ماني بـ( مسبوق=عليك ) وأنت أقصى طموح العشاشيق
وبعد بزغ نجم الرحيل .. ولمع فوق=بداء المكان يضيق ويضيق ويضيق
الحلم : مظلوم ٍ للإعدام مسيوق=ماهو بـ/ لا فاسق ولاهو بـ/ زنديق
لو مات في حبل المقادير .. مشنوق=يبقى غرامك شامخ ٍ كنه طويق
وتبقى حضاراته وهي دمّ وعروق=أشبه ما أشبهها حضارات الأغريق
مثّلت لي بسمه .. ولا قلت منطوق=هنا ؟ تحمّلت الألم فوق ما أطيق
ودعتني حسره .. وودعتني شوق=وكنك معك خذيت كل المخاليق
ماني مصدّق .. كل مطرود : ملحوق=وأنت السراب وعاشقك ناشف الريق
آقبلت غيم في مقاديمه بروق .... وراه سر وفي خفاياه تشويق
العرض الشجري