0
0
الليلة القلب المعنَا تخفَق
من بعد ماهبَت هبوب السوافي !!
واحتَر دمَي في حشاي وتدَفق
وسط العروق : الضيقَات الصخافي
واشتب جوف الجاش نار .. وتصفَق :
وجه الوقيدة // وافزعي يالمطافي
للضَيق ما حصَلت دربٍ منفَق
والما تغثرب بعد طيب المصافي !!
يا جارحٍ قلب الهواوي ترفَق
جرحك عطيب // وجرح الايام كافي
بين الحلا والوصل لازم توفَق
لانَ الحلا موتي : ( ليا صرت جافي )
يحميك ربي من عيون المطفَق
العود ليَن // والحيا فيك وافي
دوك اعترافي : فيك قلبي تشفَق
عذَبتني يازين .. دوك اعترافي !!
لا شفت وجهك قلت : ( وجهٍ موفَق )
ولا شفت طرفك قلت : وش فيه غافي ؟!
يزداد جرحك كل مالقلب خفَق
لا جدَدت : ( ذكرى الوداع ) : السوافي
هذا اشتغافي : ( دمٍ قلبٍ تدفَق )
وسط العروق الضيَقات الصخافي
0
0
18-04-2010, 01:55 AM
العرض الشجري