أقلط بقهويك شعري فاحت دلالي = اقدع قصيده وخذ فنجالها صوره
صافح كفوف المعاني وأوقف قبالي = قصيدتـي فيـك مختالـه ومغـروره
مابيك تاقف وراي وتجرح ظلالي = أوقف بعيـن بهـا صورتـك منثـوره
أشرب ظما هاجس ماجا على بالي = يظهر خطيب القصيد ويعلـن الثـوره
كان الشعر فيك نار هاجسي صالي = أفرش لي الجمر كان الأرض ممطوره
ورد أول الهم لاتنسى على التالي = الخيل مـن صيحـة الخيـال مذعـوره
وامر عيال العيون السود تقرالي = سـواد عينـي لصبـح الكـف سبـوره
انا اعتبرني حظيظ وطيب فالي = لوكان لـي رغبـة مـن عـام مقهـوره
ظما المواعيد هو همي وغربالي = أكثـر تقاليـد يـوم الوصـل ممـروره
اطلقت سمح الشعر يمي ولاجالي = شاح يتعطف هـواه وفاحـت عطـوره
الشاعر راشد بن جعيثن
13-09-2004, 06:22 PM
العرض الشجري