موضة ليش تخزني؟؟؟.......ز

[النور البعيد]

--------------------------------------------------------------------------------

السلام عليكم ورحمة الله وبركاته

اليوم موضوعي راح نتكلم عن ظاهرة ( الخز ) وعبارة ( ليش تخزني ؟ ) المشهورة بين شبابنا ,,, واللي اهي سبب لمشاكل كثيرة تصير قدامنا ونقراها في الجرايد !!


احنا مجتمع لنا عاداتنا وتقاليدنا ،،، ومن هالعادات حبنا للآخرين واحترامنا لهم واحترام خصوصياتهم ،، حتى لو اهم ما احترمونا


شنو سالفة الموضة اللي هبوا فيها شبابنا ( ليش تخزني ؟ ) انزين واذا خزك ؟؟ فيها شي ؟ ما فيها شي

هو خزك ،، تروح اتهاوش وياه وطق ،،، واحد فيكم يا حالته خطرة أو لا سمح الله سيده للمقبره ،، والثاني بالسجن !!!! شنو استفاد إلا حكم بالاعدام ولا السجن المؤبد مايقل عن عشر سنوات وإذا عطوك عفو أميري منو راح يقرب صوبك لا تحط في بالك أنك قوي لأ ترى بتصير من المنبوذين وكله بس[عشان

خزه

ويا خوفي يجي اليوم يقومون البنات يتهاوشون فيه بسبب خزه مومقصوده منها ولا شيء لأن في ديرتنا الشاب يبدأ ويوم يقول بس شبعت تبدأ البنت تلعبها

انزين خليه يخزك أو خليها تخزش ممكن تطلع معجبه مثلاً أو معجب ما يصير ولا لازم الهوشه علشان تبينون حق الناس أنكم أقوياء ورياجيل ولا أحد يقدر عليكم