محــاورة / تـركـي الـمـيـزانـي - سـلـمـان بن ضيـدان

[شِقاوَي]

السلام عليكم

’,

سلمان بن ضيدان /

بسمي وبإسم الرجال أهل الوفا والكرم

يا مرحبا عد ما ذعذع نسيم الهبـوب

يا تركي ألفين وين اللـي يبـا ينتقـم

المشكله مابه اللـي فالشدايـد ينـوب

تركي الميزاني /





أبك البقا والعرب مخلوقةً مـن عـدم


يا شاعرً صار في تال الزمان امحَبوب


اللي هدم ما بنا واللي بنـا مـا هـدم


لد النظر للسما ياللي تسـد الـدروب

سلمان بن ضيدان /

يا من تحث الركايب .. لا تحث الغنم

لد النظر لا لمع فالجو سود النصوب

لا صرت ما تعرف المعنى ولا تفتهم

نوبً جزيل وتضيّع طاسة القوم نوب

تركي الميزاني /





منت أبنِ عمّي قفا .. منت أبنِ عمي لزم


ما كل رجال من بين الرجال امحسـوب


قدام لا تصبح امعا اللـي يبـوج ونـدم


الضيف في دبرت أهل الطيب ياللي تلوب

سلمان بن ضيدان /

يا تركي ألفين جعلك للعمى والطرم

والله لا آتوّبك لين أنك تطيع وتتوب